17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
Մեծ Բրիտանիան հաջորդ շաբաթ կարող է սկսել պատվաստումները Covid-19-ի դեմ․ BBC
Քաղաքականություն
02.12.2020 | 12:00
Մեծ Բրիտանիան դարձել է աշխարհում առաջին պետությունը, որը համընդհանուր օգտագործման համար հաստատել է Pfizer/BioNTech ընկերությունների մշակած պատվաստանյութը։ Բրիտանական MHRA կարգավորող մարմինը հայտարարել է, որ Covid-19 -ից 95% պաշտպանվածություն ապահովող պատվաստանյութն անվտանգ է համընդհանուր կիրառման համար, գրում է BBC-ն։
Տեղեկացվում է, որ պատվաստումները կարող են սկսվել արդեն մի քանի օրից՝ առաջնահերթային խմբերի մարդկանց համար:
Մեծ Բրիտանիան արդեն պատվիրել է 40 միլիոն չափաբաժին պատվաստանյութ, ինչը բավական է 20 միլիոն մարդ պատվաստելու համար:
Շուրջ 10 միլիոն չափաբաժին պատվաստանյութը հասանելի կլինի արդեն մոտ օրերս, որոնք էլ առաջիկա օրերին կմատակարարվեն Միացյալ Թագավորությանը։
Հավելենք, որ սա երբևէ ստեղծված ամենաարագ պատվաստանյութն է, որը ընդամենը 10 ամսում է անցել ստուգման փուլերը:
Տաթև Ֆռանգյան
