10.06.2026 | 16:03
Վարդան Բիչախչյանը կշարունակի գլխավորել «Շիրակը»
Պեսկովը հրաժարվել է մեկնաբանել Ալիևի՝ Նախիջևանն Ադրբեջանին միացնող միջանցքի մասին հայտարարությունը
Քաղաքականություն
01.12.2020 | 13:52
ՌԴ նախագահի խոսնակ Դմիտրի Պեսկովը չի մեկնաբանել է Ադրբեջանի նախագահ Իհամ Ալիևի հայտարարությունն այն մասին, որ ՌԴ-ի ու Թուրքիայի նախագահները դրական են արձագանքել Նախիջևանն Ադրբեջանի արևմտյան շրջանների հետ միացնող միջանցքի կառուցման գաղափարին։ Ընդ որում, Կրեմլի ներկայացուցիչն ուշադրություն է հրավիրել այն հանգամանքին, որ տրանսպորտային կոմունիկացիաների թեման քննարկում են երկրների ղեկավարները, գրում է ՏԱՍՍ-ը։
«Կոնկրետ այս թեման չեմ մեկնաբանի»,- պատասխանել է Պեսկովը լրագրողի հարցին՝ իսկապե՞ս ՌԴ ղեկավար Վլադիմիր Պուտինը դրական է գնահատել Նախիջևանից դեպի Ադրբեջան միջանցքի կառուցման գաղափարը։
«Միայն հիշեցնեմ, որ մեկ կամ երկու շաբաթ առաջ Պուտինի ու Ալիևի միջև հեռախոսազրույցի մասին մեր հաղորդագրության մեջ հայտարարել էինք այն մասին, որ պետությունների ղեկավարները, այլ խնդիրների հետ մեկտեղ, քննարկել են տարածաշրջանում տրանսպորտային հաղորդակցության ապաշրջափակմանն ու զարգացմանն առնչվող հարցեր»,- նշել է Կրեմլի ներկայացուցիչը։
Նրա խոսքով՝ «տրանսպորտային հաղորդակցության թեման օրակարգում է և քննարկվում է ղեկավարների կողմից»:
Տաթև Ֆռանգյան
