02.08.2026 | 11:58
Թուրքիայում ուտում էի Ադանա քեբաբ, համով էր. Ռուբինյան․ ՏԵՍԱՆՅՈւԹ
Ալիևն առաջարկել է Հայաստանն ու Ղարաբաղը կապող նոր միջանցք ստեղծել
Քաղաքականություն
01.12.2020 | 13:19
Ադրբեջանի նախագահ Իլհամ Ալիևն այսօր իր ժողովրդին ուղղված խոսքում հայտարարել է, թե առաջարկում է Լեռնային Ղարաբաղը Հայաստանին կապող նոր միջանցք ստեղծել, իսկ Լաչին՝ Բերձոր քաղաքը փոխանցել Ադրբեջանին, գրում է ՌԻԱ Նովոստին։
«Բոլորին լավ հայտնի է, որ Լաչինի միջանցքն անցնում է Լաչին քաղաքով։ Այդպիսով՝ Լաչին քաղաքը մնում է այդ միջանցքի մեջտեղում։ Ռուսաստանի նախագահի հետ զրույցում ասել եմ, որ Լաչինը պիտի մեզ վերադարձվի։ Դրա համար մենք առաջարկում ենք նոր միջանցք կառուցել՝ Լեռնային Ղարաբաղը Հայաստանին կապող նոր միջանցք մշակել և կառուցել այն։ Այստեղ նշված է 3 տարի ժամկետ, բայց ես կարծում եմ՝ ավելի շուտ կարող ենք անել։ Նոր չափանիշների որոշումից հետո Լաչին քաղաքը նույնպես մեզ կվերադարձվի»,- ասել է Ալիևը։
Նա նաև խոսել է Նախիջևանն Ադրբեջանի արևմտյան մասին կապող միջանցքի մասին։
Ալիևը նշել է նաև, որ հրադադարի ռեժիմը մեծամասամբ պահպանվում է, բայց խափանելու փորձեր կան։
Էմմա Չոբանյան
