27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
ԿԽՄԿ-ն մտադիր է ավելացնել իր աշխատակիցների թիվը Լեռնային Ղարաբաղում
Քաղաքականություն
01.12.2020 | 13:08
Կարմիր Խաչի միջազգային կոմիտեն մտադիր է մինչև 400-ի հասցնել Լեռնային Ղարաբաղում իր աշխատակիցների թիվը։ Այս մասին ՏԱՍՍ-ին հայտնել է Ադրբեջանում ՌԴ դեսպան Միխայիլ Բոչարնիկովը։
«Այսօրվա դրությամբ՝ ԿԽՄԿ միակ միջազգային մարդասիրական կազմակերպությունն է, որն աշխատում է այնտեղ։ Այն ծրագրում է իր աշխատակիցների թիվը հասցնել մինչև 400-ի։ ԿԽՄԿ աշխատակիցների առաքելության խնդիրներից է ռազմագերիների փոխանակումը, զոհվածների աճյունների որոնումն ու նույնականացումը։ Ռուս խաղաղապահների միջնորդությամբ աճյունների փոխանակման աշխատանքն արդեն ընթանում է»,- ասել է դեսպանը։
Նրա խոսքով՝ Բաքվում ՌԴ դեսպանատունը «Լեռնային Ղարաբաղի հիմնախնդրի համատեքստում սերտ կապ է պահպանում Բաքվում այս կազմակերպության ներկայացուցչության հետ»:
Տաթև Ֆռանգյան
