10.08.2026 | 10:03
4 խաղափուլից հետո երեք հայ շախմատիստ առաջատարների շարքում է. Եվրոպայի Մ20 առաջնություն
Ռուս խաղաղապահները Լեռնային Ղարաբաղում վնասազերծել են 1000 պայթյունավտանգ առարկա․ ՌԴ ՊՆ
01.12.2020 | 10:31
ՌԴ խաղաղապահ ուժերը Լեռնային Ղարաբաղում պայթյունավտանգ առարկաներից մաքրել են Լաչինի միջանցքը, որտեղով ապահովվում է քաղաքացիների տեղաշարժն ու ավտոտրանսպոտային երթևեկությունը։ Այս մասին հայտնում է ՌԴ ՊՆ-ն։
«Ռուս խաղաղապահները Լաչինի միջանցքը մաքրել են պայթյունավտանգ առարկաներից ու ապահովել են մարտական գործողությունների ընթացքում վնասված բարձրավոլտ էլեկտրահաղորդման գծի վերականգնման համար աշխատանքային խմբերի անվտանգությունը»,-հայտարարել են գերատեսչությունից։
Բացի այդ, վերջին օրվա ընթացքում Ղարաբաղի տարածքում հնարավոր է եղել վերականգնել էլեկտրահաղորդման գծերի երեք հենասյուն, 1,2 հազար մետր գազատար, ավելի քան 1,5 հազար մետր կապի գիծ, ինչպես նաև երկու տրանսֆորմատորային ենթակայաններ:
ՌԴ ՊՆ-ից ընդգծել են, որ Ղարաբաղում խաղաղապահ առաքելության ողջ ընթացքում ինժեներական ստորաբաժանումները մաքրել են ավելի քան 29 հա տարածք ու 10 կմ երկարությամբ ճանապարհ, ստուգել են 100-ից ավելի տուն ու սոցիալական նշանակության օբյեկտներ, գտել ու վնասազերծել են 1000 պայթյունավտանգ առարկա։
Տաթև Ֆռանգյան
