12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Մոլդովան պահանջում է Մերձդնեստրից ռուս խաղաղապահների դուրսբերում․ Կրեմլն արձագանքել է․ ՌԻԱ Նովոստի
Քաղաքականություն
30.11.2020 | 15:07
Մերձդնեստրից անհրաժեշտ է դուրս բերել ռուս զինվորականներին։ Այս մասին հայտարարել է Մոլդովայի նորընտիր նախագահ Մայա Սանդուն՝ ընտրություններից հետո տեղի ունեցած առաջին մամլո ասուլիսի ժամանակ, գրում է ՌԻԱ Նովոստին։
«Մերձդնեստրում է գտնվում Ռուսաստանի օպերատիվ խումբը, այդ խմբի վերաբերյալ Մոլդովայի կողմից պայմանավորվածություն երբեք չի եղել, այդ պատճառով էլ երկրի դիրքորոշումն այն է, որ այդ զորքը և զենքը պետք է դուրս բերվեն Մոլդովայի տարածքից»,- պարզաբանել է նա։
Սանդուի խոսքով՝ այս հարցը նա մտադիր է քննարկել Մոսկվայի հետ։ Նա նաև նշել է, որ տարածաշրջանում խաղաղապահ առաքելությունը պետք է փոխել քաղաքացիականի։
«Անցած տարի մեզ մոտ է ժամանել Ռուսաստանի պաշտպանության նախարար Սերգեյ Շոյդուն, նա խոսում էր այն մասին, որ Ռուսաստանը պատրաստ է օգնել զենքի օգտահանման հարցում։ Մերձդնեստրում վաղուց չկան վտանգավոր ռազմական գործողություններ, խաղաղապահ առաքելությունը պետք է փոխարկել քաղաքացիականի՝ ԵԱՀԿ հովանու ներքո։ Սա Մոլդովայի դիրքորոշումն է, որը ես ընդգծում եմ»,- ասել է Սանդուն՝ հավելելով, որ ծրագում է աշխատել «Մոսկվայի հետ հաստատված լավ հարաբերությունների» շուրջ, բացել արտահանումը ու հոգալ Ռուսաստանում աշխատող Մոլդովայի քաղաքացիների մասին։
Իր հերթին Կրեմլից հայտարարել են, որ ստատուս-քվոյի փոփոխությունը կարող է հանգեցնել Մերձդնեստրում իրավիճակի ապակայունացմանը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Ռուսաստանը կատարում է շատ կարևոր գործառույթներ, և ստատուս-քվոյի փոփոխությունը, որը հիմնված է միջազգային իրավունքի ոգու և տառի վրա, իհարկե, կարող է հանգեցնել լուրջ ապակայունացման: Մենք ակնկալում ենք, որ այս ամենը կքննարկվի, և այս առումով ոչ մի կտրուկ քայլ չի ձեռնարկվի», -հայտարարել է Պեսկովը
Տաթև Ֆռանգայն
