30.06.2026 | 22:20
Էրդողանն արձագանքել է Իսրայելի կառավարության՝ Հայոց ցեղասպանության ճանաչման որոշմանը
Լեռնային Ղարաբաղում մեկ օրում ոչնչացվել է 100 պայթյունավտանգ առարկա․ ՌԴ ՊՆ. ՏԵՍԱՆՅՈՒԹ
30.11.2020 | 11:39
Լեռնային Ղարաբաղում ռուս ինժեներները մեկ օրում ոչնչացրել են 100 պայթյունավտանգ առարկա, ինչպես նաև ականազերծվել է Շուշի-Լիսագոր ավտոճանապարհի շուրջ 3 կմ երկարությամբ հատվածը։ Այս մասին հայտնում է ՌԴ ՊՆ-ն։
«Կենտրոնի մասնագետների կողմից ինժեներական հետախուզություն ու պայթուցիկ սարքերից մաքրման աշխատանքներ են իրականացվել Շուշի-Լիսագոր ավտոճանապարհի շուրջ 3 կմ երկարությամբ հատվածում: Մեկ օրում հայտնաբերվել է ավելի քան 100 պայթունավտանգ առարկա», – ասված է նախարարության հայտարարության մեջ:
Սակրավորները վտանգավոր առարկաները տեղափոխել են հատուկ հրաձգարաններ, ինչից հետո դրանք ոչնչացվել են:
Նշվում է, որ ընդհանուր առմամբ, Լեռնային Ղարաբաղում ռուս զինվորականներն ականազերծել են ավելի քան 24 հա տարածք, ավելի քան ութ կիլոմետր ճանապարհ, հայտնաբերել և ոչնչացրել են 750 պայթուցիկ իր:
Տաթև Ֆռանգյան
