17.09.2026 | 18:18
Քեշ փողով, կովով ու հավով ընտրակաշառք են բաժանել, էլ ի՞նչ պիտի անեին, որ ընտրապայքարից դուրս մնային․ Ալեքսանյան․ ՏԵՍԱՆՅՈՒԹ
Հորդանանը դատապարտել է իրանցի ֆիզիկոսի սպանությունը․ ՏԱՍՍ
Քաղաքականություն
30.11.2020 | 10:46
Հորդանանը դատապարտել է իրանցի միջուկային ֆիզիկոս Մոհսեն Ֆահրիզադեի սպանությունը ՝ նախազգուշացնելով Մերձավոր Արևելքում իրավիճակի սրման սպառնալիքի մասին: Թագավորության արտաքին գործերի նախարարության խոսնակ Դեյֆուլլահ ալ-Ֆայզի հայտարարության մեջ ընդգծվում է «տարածաշրջանում կայունության և անվտանգության պահպանման կարևորությունը», գրում է ՏԱՍՍ-ը:
«Հորդանանի կառավարությունը կոչ է անում համախմբել բոլոր կողմերի ջանքերը ՝ հետագա սրացումը կանխելու և լարվածության թուլացման հասնելու համար», – ասվում է հայտարարությունում:
Շաբաթ օրը Սիրիայի արտգործնախարար Ֆեյսալ Միկդադը դատապարտել էր «հանցավոր ահաբեկչական գործողությունը, որի զոհն է դարձել իրանցի գիտնական Ֆախրիզադեն»: Նա Դամասկոսում Իրանի դեսպան Ջավադ Թուրքաբադիի հետ հանդիպման ժամանակ հայտարարել է, որ Սիրիայի կառավարությունը «կանգնած է Իրանի ժողովրդի կողքին և աջակցում է երկրի առաջընթացն ու բարգավաճումը խոչընդոտելու թշնամական ուժերի հուսահատ փորձերին նրա հակազդմանը»:
Իրաքը, Քաթարը, Արաբական Միացյալ Էմիրությունները և Օմանը նույնպես դատապարտել են Ֆախրիզադդեի դեմ մահափորձը:
Տաթև Ֆռանգյան
