27.04.2026 | 16:30
Ռազմական ծախսերը կտրուկ աճել են Եվրոպայում ու Ասիայում՝ հասնելով 16 տարվա ընթացքում չտեսնված մակարդակի. SIPRI
ԱՄՆ-ի վերաքննիչ դատարանը մերժել է Թրամփի թիմի պահանջը. VOA
Քաղաքականություն
29.11.2020 | 18:49
ԱՄՆ-ի վերաքննիչ դաշնային դատարաններից մեկը կտրականապես մերժել է Փենսիլվանիա նահանգում Ջո Բայդենի հաղթանակը չեղարկելու Թրամփի քարոզարշավի թիմի ներկայացրած պահանջը: Երեք դատավորների մասնակացությամբ անցկացված նիստի ժամանակ կայացվել է որոշում այն մասին, որ չկան այդ քայլին դիմելու հիմքեր, և որ Թրամփի թիմը չի ներկայացրել բավարար ապացույցներ. գրում է VOA-ն:
Դատարանի այս որոշումը մի նոր անհաջողություն էր նախագահ Թրամփի համար, որը փորձում է գտնել նոյեմբերի 3-ին անցկացված ընտրությունների արդյունքը չեղյալ հայտարարելու ուղիներ:
Թրամփն ուրբաթ օրը նորից հայտարարել էր, թե տեղի են ունեցել «զանգվածային խախտումներ» ու ավելացրել էր. «Բայդենը Սպիտակ տուն կարող է մտնել որպես նախագահ միայն այն դեպքում, եթե ապացուցի, որ քվեարկողների 80 միլիոն տարօրինակ թիվը ձեռք չի բերվել անօրինական եղանակով»:
Թրամփի նախընտրական թիմը նման մի քանի անհաջող փորձեր էր արել նաժև այլ նահանգներում, սակայն չի ստացել իր համար ձեռնտու որևէ արձագանք:
Ընտրությունների արդյունքում Թրամփն ու Բայդենը ստացել են ընտրական կոլեգիայի համապատասխանաբար 306 և 232 անդամների ձայն ունենալու իրավունք: Եվ սպասվում է, որ ընտրված անդամները դեկտեմբերի 14-ին նախատեսված ընտրություններում կքվեարկեն համապատասխանաբար:
Ջո Բայդենն, ըստ ԱՄՆ-ի օրենքների, կարող է երդում տալ որպես երկրի 46-րդ նախագահ, եթե նույնիսկ Թրամփը չընդունի նրա հաղթանակը:
