11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ռուսաստանցի ընդդիմադիրները կոչ են անում ԵՄ-ին չճանաչել ՌԴ հաջորդ խորհրդարանական ընտրությունները. VOA
Քաղաքականություն
28.11.2020 | 19:39
Նավալնիի հետ միասին առցանց քննարկմանը մասնակցել են ևս մի քանի ռուս ընդդիմադիրներ. գրում է VOA-ն:
Ռուսաստանի ընդդիմադիր գործիչները, ներառյալ Ալեքսեյ Նավալնին, ով այժմ ապաքինվում է թունավորումից, ուրբաթ օրը մասնակցել են Եվրախորհրդարանի միջազգային հարաբերությունների հանձնաժողովում անցկացվող քննարկմանը: Այն տեղի է ունենցել առցանց՝ կորոնավիրուսի հետ կապված սահմանափակումներից ելնելով: Քննարկմանը, բացի Նավալնիից, մասնակցել են Վլադիմիր Միլովը, Իլյա Յաշինը և Վլադիմիր Կարա-Մուրզան:
Նավալնին խոսել է անգլերեն՝ Եվրամիությանը կոչ անելով մշակել Ռուսաստանի հետ հարաբերությունների նոր ռազմավարություն: Նա Ռուսաստանի ներկայիս իշխանություններին անվանել է «հանցագործների խումբ, որոնք ժամանակավորապես վերցրել են իշխանությունը»: Նավալնին ԵՄ-ին հորդորել է չճանաչել Պետդումայի ընտրությունների արդյունքները, որոնք տեղի կունենան հաջորդ տարի, եթե բոլորին չթույլատրվի մասնակցել դրանց: Նա վստահ է, որ դրանք կեղծվելու են: Խոսելով պատժամիջոցների մասին ՝ Նավալնին ասել է, որ Եվրամիությունը պետք է կենտրոնանա Վլադիմիր Պուտինի շրջապատի մարդկանց, այդ թվում ՝ այսպես կոչված օլիգարխների, եկամտի աղբյուրների վրա: Նա միլիարդատերերի շարքում հիշատակել է Ալիշեր Ուսմանովի, Ռոման Աբրամովիչի, ինչպես նաև Ռոտենբերգի ընտանիքի անունները՝ վերջիններիս ներկայացնելով որպես այն մարդկանց օրինակներ, որոնց դեմ պետք է պատժամիջոցներ կիրառել:
