16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Քաղաքական հետապնդման հոտ է գալիս էս ամեն ինչից․ Արսեն Թորոսյան. ՏԵՍԱՆՅՈՒԹ
Քաղաքականություն
27.11.2020 | 20:32
Դեկտեմբերի սկզբին Կոռուպցիայի կանխարգելման հանձնաժողովը կհրապարակի առողջապահության նախարար Արսեն Թորոսյանի նկատմամբ հարուցված վարույթի եզրակացությունը։ Շահերի բախման ռիսկ են տեսնում այն բանում, որ Առողջապահության նախարարությունը ծառայությունների մատուցման հինգ պայմանագիր է կնքել «Միբս» ընկերության հետ՝ 124 մլն դրամի շրջանակներում: Այս ընկերության տնօրենը նախարար Թորոսյանի կինն է, իսկ մինչ այդ ինքն էր նշյալ ընկերության տնօրենը։
Factor TV-ի հետ հարցազրույցում նախարար Արսեն Թորոսյանն այս գործը տարօրինակ է բնորոշում: «Մի քիչ քաղաքական հետապնդման հոտ է գալիս այս ամեն ինչից, որովհետև այն, ինչ թվարկեցիք, կարելի է անել ցանկացած այլ բժշկական կենտրոնի հետ. «Առողջապահության նախարարությունը 50 պայմանագիր է կնքել 6 միլիարդ դրամի «Էրեբունի» բժշկական կենտրոնի հետ և այլն։ Ու «Էրեբունի» բժշկական կենտրոնի տնօրենն էլ հինգ անգամ եղել է ինձ մոտ, բայց էդ ամեն ինչն արվում է օրենքի շրջանակներում, և այդ պայմանագրերը նվերներ չեն բուժհաստատություններին»,- պարզաբանեց Արսեն Թորոսյանը։
Մանրամասները՝ տեսանյութում:
Ռոբերտ Անանյան
