13.12.2024 | 21:28
Հայաստանը նպատակ ունի վերակառուցել տարածաշրջանում համագործակցությունը. ԱԳՆ գլխավոր քարտուղար
Պատգամավորները մտել են Սոթքի հանքի տարածք. նրանք մանրամասներ են հայտնում. ՏԵՍԱՆՅՈՒԹ
Քաղաքականություն
27.11.2020 | 17:30
Այսօր Սոթքի ոսկու հանքավայրի՝ բողոքի ակցիա իրականացնող աշխատակիցների հետ հանդիպման էին եկել ԱԺ պատգամավորներ Թագուհի Թովմասյանը և Նաիրա Զոհրաբյանը: Նրանք բարձրացել էին հանքավայրի տարածք՝ իմանալու, թե ի՞նչ է կատարվում այնտեղ:
Վերադառնալուց հետո լրագրողների հետ զրույցում Նաիրա Զոհրաբյանը նշեց, որ փորձել են հասկանալ, թե ո՞ւր են տեղափոխվել Քարվաճառի դարպասները, որտեղո՞վ է անցնելու սահմանը:
«Այս պահին այնտեղ միայն զինվորներն էին, նրանք այդ հարցին պատասխանել չեն կարող: Մենք կհանդիպենք կորպուսի հրամանատարի հետ, կփորձենք քարտեզներով հասկանալ, թե մեր հայրենիքի վերջին գիծը որ հատվածում է լինելու»:
ԱԺ պատգամավոր Թագուհի Թովմասյանը նշեց, որ փորձել են հասկանալ՝ որքանով է անվտանգ մեր սահմանը և հանքի հետ կապված ինչ խնդիրներ կան:
«Պարզեցիքն, որ հանքի որոշակի հատված զբաղեցնում է ադրբեջանական զինուժը: Մենք անվտանգ ենք, հայկական զինուժը պաշտպանում է գոնե եղած սահմանները, և մենք կարող ենք հանգիստ քնել: Այս պահի արձանագրումը սա է, թե ինչ կլինի հետո, չենք կարող ասել»,- ասաց Թովմասյանը:
Պատգամավորները նշեցին, որ ադրբեջանական զորքն իրենցից ընդամենը մի քանի մետր հեռավորության վրա էր, նրանք լուռ հետևում էին:
Մանրամասները՝ տեսանյութում:
