Ալեքսանդր Լուկաշենկոն հայտարարել է, որ կթողնի իր պաշտոնը նոր Սահմանադրության ընդունումից հետո․ Belta

Բելառուսի նախագահ Ալեքսանդր Լուկաշենկոն այսօր հայտարարել է, որ կթողնի իր պաշտոնը նոր Սահմանադրության ընդունումից հետո, գրում է  «Բելտա» գործակալությունը:

«Ես ինձ հարմարեցված ոչ մի Սահմանադրություն չեմ պատրաստում։ Նոր սահմանադրությամբ՝ ես ձեզ հետ նախագահ չեմ աշխատի։ Այս պատճառով էլ հանգստացեք, հանգիստ տարեք այն», – հայտարարել է Լուկաշենկոն ՝ չհստակեցնելով, թե երբ կգա այդ օրը, սակայն նշել է, որ Սահմանադրության մեջ փոփոխությունների և նախագահի լիազորությունների ճշգրտման անհրաժեշտություն կա։ Բելառուսի նախագահի խոսքով՝ ինքը երբեք թույլ չի տա, որպեսզի նոր սահմանադրության քվեարկության ժամանակ կեղծումներ լինեն, կամ հետագայում նոր Սահմանադրությամբ ընտրությունների անցկացման ժամանակ կեղծումներ լինեն:

«Նույնիսկ եթե ես իմանամ, որ դա այն չէ, ինչ ես եմ ցանկանում: Ինչո՞ւ, որովհետև բելառուս ժողովուրդը պետք է անցնի այն ուղին, որը պետք է անցնի: Ավելի լավ է հիմա՝ առանց պատերազմի, ավելի վատ, եթե այդ պատերազմը մեզ պարտադրվի», – հայտարարել է Լուկաշենկոն:

Նա մեկնաբանել է նաև  կուսակցական ցուցակներով խորհրդարանական ընտրություններ անցկացնելու առաջարկները և, համապատասխանաբար, կուսակցություններ ստեղծելու առաջարկները: Ըստ Լուկաշենկոյի, այդ նախաձեռնությունների իրականացումը սպառնում է դառնալ հասարակության պառակտման, տարբեր շահերով խմբերի առաջացման պատճառ:

«Այս ամենը լավ է, երբ տեսնում ես դա ուրիշների մոտ ՝ կուսակցական ցուցակներ և այլն: Բայց եթե դուք դա ուզում եք, և մարդիկ դրան կողմ քվեարկեն, ապա այդպես էլ կլինի», – հայտարարել է Լուկաշենկոն։

Տաթև Ֆռանգյան