27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
ԵՏՄ երկրները կհավասարեցնեն ծխախոտային արտադրանքի ակցիզային հարկը
Քաղաքականություն
27.11.2020 | 16:53
Դեկտեմբերի 2-ին ՌԴ Դաշնային խորհուրդը կքննարկի ԵՏՄ անդամ երկրների ծխախոտային արտադրանքի ակցիզային հարկի ոլորտում հարկային քաղաքականության սկզբունքների մասին համաձայնագրի վավերացման մասին օրենքը: Համաձայն այդ փաստաթղթի՝ 2024 թվականին Եվրասիական տնտեսական միության անդամ երկրներում միասնական ակցիզային հարկ կկիրառվի ծխախոտային արտադրանքի համար, գրում է EurAsia Daily-ն։
«Այս համաձայնագիրը թույլ կտա ռուսական շուկա չներմուծել էժան ծխախոտային արտադրանք»,- կարծում է միջազգային հարցերով Պետդումայի հանձնաժողովի անդամ Անտոն Մորոզովը։
Պայմանագրում սահմանվում են Ռուսաստանում, Բելառուսում, Հայաստանում, Ղազախստանում և Ղրղզստանում ծխախոտային արտադրանքի ակցիզային հարկերի դրույքաչափերի մերձեցման կանոնները: Սահմանվում է, որ 2024 թվականին ԵՏՄ անդամ երկրներիում կկիրառվի ինդիկատիվ դրույքաչափ, որը հավասար կլինի 35 եվրոյի՝ 1000 ծխախոտային արտադրանքի համար։ Ինդիկատիվ դրույքաչափը պետք է սահմանվի յուրաքանչյուր 5 տարին մեկ։
Ընդ որում, նշվում է, որ այդ երկրներում գործող ակցիզային հարկը կարող է շեղում տալ ինդիկատիվ դրույքաչափից 20%-ից ոչ ավելի։ ԵՏՄ երկրները, Եվրասիական տնտեսական հանձնաժողովի խորհրդի հետ համաձայնեցված, կկարողանան փոխել ակցիզային դրույքաչափը, եթե առկա են արդարացված տնտեսական պատճառներ և եվրոյի նկատմամբ ազգային արժույթների փոխարժեքի՝ ավելի քան 15% փոփոխության դեպքում:
Տաթև Ֆռանգյան
