14.12.2024 | 19:57
Ինչ իրավիճակ է ճանապարհներին 19։35-ի դրությամբ
Մարադոնայի հրաժեշտի արարողությունը վերածվել է անկարգությունների․ տրավմատիկ զենք ու արցունքաբեր գազ է կիրառվել․ ՏԵՍԱՆՅՈՒԹ
Քաղաքականություն
27.11.2020 | 13:26
Արգենտինայի մայրաքաղաք Բուենոս Այրեսում ոստիկանությունը արցունքաբեր գազ ու ռետինե փամփուշտներով տրավմատիկ զենք է կիրառել համաշխարհային ֆուտբոլի աստղ Դիեգո Արմանդո Մարադոնայի հրաժեշտի արարողության ընթացքում գրանցված անկարգությունների ժամանակ, գրում է DW-ի ռուսական ծառայությունը։
Տասնյակ հազարավոր ֆուտբոլասերներ, որոնք հավաքվել են նախագահական պալատի առջև գտնվող հրապարակում, որտեղ տեղի է ունեցել հրաժեշտի արարողությունը, ճեղքել են ճաղավանդակները՝ վախենալով, որ թույլ չեն տա հրաժեշտ տալ իրենց կուռքին:
Անկարգությունները վերաճել են ոստիկանության հետ բախումների, անվտանգության ուժերի վրա քարեր ու շշեր են նետվել: Մի քանի մարդ վիրավորվել է:
Հրաժեշտի արարողությունից հետո ֆուտբոլիստի դագաղը՝ հազար ոստիկանից բաղկացած մոտոցիկլետների շարասյան ուղեկցությամբ, տեղափոխվել է Արգենտինայի մայրաքաղաքի Բելլա Վիստա գերեզմանատուն: Ճանապարհի մի հատվածում ֆուտբոլիստի երկրպագուները խցանում են ստեղծել և դանդաղեցրել շարասյան տեղաշարժը: Գերեզմանատանը Մարադոնայի հուղարկավորությանը մասնակցել են միայն 25 հարազատներ ու ընկերներ:
Տաթև Ֆռանգյան
In der Innenstadt von Buenos Aires waren Tausende Menschen unterwegs, um sich von Diego Maradona zu verabschieden. pic.twitter.com/HqXIeJJneK
— Argentinisches Tageblatt (@ATdeBuenosAires) November 26, 2020
