20.05.2026 | 23:21
Ռուսաստանը և Բելառուսն անմիջական պատասխանատվություն են կրում. Ուրսուլա ֆոն դեր Լեյենը՝ Լիտվայում ԱԹՍ-ի միջադեպի մասին
Մոլդովայի նախագահը բողոքի ցույցերով է սպառնում ռուս խաղաղապահների դեմ արտահայտված Մայա Սանդուին
Քաղաքականություն
27.11.2020 | 12:24
Մոլդովայի գործող նախագահ Իգոր Դոդոնը հայտարարել է, որ թույլ չի տա Մերձդնեստրում իրավիճակի սրում։ Նա նաև չի բացառել, որ փողոց կհանի մարդկանց՝ երկրում խաղաղություն պահպանելու համար, հաղորդում է Sputnik-ը
Ավելի վաղ Մոլդովայի ընտրված նախագահ Մայա Սանդուն հայտարարել էր, թե Մերձդնեստրում հակամարտության լուծման համար ռուս խաղաղապահները պետք է դուրս բերվեն շրջանից։
«Եղել են նոր նախագահի որոշ անհասկանալի հայտարարություններ Մերձդնեստրի, Ռուսաստանի Դաշնության հետ կապված: Մենք թույլ չենք տա կրկնել 1990-ականները, երբ Քիշնևում երկրի ղեկավարները գործարկեցին« ճամպրուկ-կայարան-Ռուսաստան» կարգախոսները․․․ Մենք կանենք ամեն ինչ՝ երկրում բոլոր օրինական միջոցներով խաղաղությունն ու հանգստությունը պահպանելու համար, անհրաժեշտության դեպքում, ես մարդկանց փողոց կհանեմ խաղաղությունը պահպանելու համար», – հայտարարել է Դոդոնը:
Նա հիշեցրել է, որ Մոլդովան խորհրդարանական երկիր է, այդ պատճառով էլ առանց խորհրդարանի ու կառավարության որևէ որոշում հնարավոր չէ ընդունել։
Տաթև Ֆռանգյան
