01.03.2026 | 21:22
Թրամփը պնդում է, որ Իրանի իշխանությունները ԱՄՆ-ի հետ բանակցությունները վերսկսելու հարցում են ներկայացրել, և ինքը համաձայնել է
Նևադայում Գոհաբանության տոնին զինված անձինք անկանոն կրակ են բացել քաղաքացիների ուղղությամբ․ զոհ ու վիրավորներ կան․ CNN
Քաղաքականություն
27.11.2020 | 12:42
Մեկ մարդ սպանվել է, 4-ը վիրավորվել է ԱՄՆ Նևադա նահանգում անկարգությունների հետևանքով։ Երկու կասկածյալ ձերբակալվել է, հայտնում է CNN-ը՝ վկայակոչելով տեղի ոստիկանությանը։
Հենդերսոն քաղաքի ոստիկանությունը նոյեմբերի 26-ին, երբ ԱՄՆ-ում նշում են Գոհաբանության տոնը, տեղեկություններ է ստացել նահանգի տարբեր քաղաքներում տուժածների մասին։ Ավելի ուշ ոստիկանությունը հայտնաբերել է հրազենային վնասվածքով 5 վիրավոր։ Նրանցից մեկը՝ 22-ամյա երիտասարդ, մահացել է։ Մյուս վիրավորները հոսպիտալացվել են, նախնական տվյալներով՝ նրանց կյանքին վտանգ չի սպառնում։
«Կարծում ենք, որ կասկածյալները մեքենայով շրջել են քաղաքում և անկանոն կրակ բացել քաղաքացիների վրա՝ առանց ակնհայտ պատճառի»,- հայտնել են ոստիկանությունից:
Իրավապահների հաղորդմամբ՝ կրակոցներից հետո սկսվել է երկու կասկածյալների որոնումը՝ 20-30 տարեկան սպիտակամորթ տղամարդու և 20 տարեկան կնոջ:
Ավելի ուշ կասկածյալները բերման են ենթարկվել՝ կրակոցների հետ կապ չունեցող մեղադրանքներով: Այլ մանրամասներ չեն հաղորդվում:
Տաթև Ֆռանգյան
