12.10.2026 | 13:43
ՀՀ ԱԺ պաշտպանության և անվտանգության հարցերի մշտական հանձնաժողովի արտահերթ նիստ. ՈՒՂԻՂ
Թրամփը հայտնել է, թե որ դեպքում կլքի Սպիտակ տունը․ BBC
Քաղաքականություն
27.11.2020 | 12:12
ԱՄՆ նախագահ Դոնալդ Թրամփը հայտարարել է, որ կլքի Սպիտակ տունը, եթե Ջո Բայդենը պաշտոնապես ընտրվի որպես ԱՄՆ նախագահ ընտրիչների կողմից։ Թրամփը հրաժարվել է ընդունել իր պարտությունը նոյեմբերի 3-ի քվեարկության արդյունքում ու հայտարարել է լրագրողներին, որ «դժվար կլինի» հեռանալը, գրում է BBC-ն։
Նա ևս մեկ անգամ հայտարարել է ընտրություններում կեղծումների մասին։
Պատասխանելով այն հարցի, թե արդյոք կհամաձայնի լքել Սպիտակ տունը, եթե պարտվի ընտրիչների քվեարկության արդյունքում, Թրամփը հայտարարել է՝ այո։
«Անկասկած կհեռանամ, անկասկած և դուք դա գիտեք»,- հայտարարել է նա, այնուամենայնիվ, նշելով, որ ընտրելով Ջո Բայդենին ընտրիչները մեծ սխալ կկատարեն։ Նա նաև ենթադրել է, որ երբեք չի ընդունի իր պարտությունը։
«Շատ բարդ է լինելու լքելը, քանի որ մենք գիտենք, որ զանգվածային կեղծումներ են եղել»,- պնդել է Թրամփը՝ առանց ապացույց ներկայացնելու։
Թրամփը նաև չի պատասխանել այն հարցին, թե արդյոք ներկա կգտնվի Բայդենի երդմնակալությանը։
Տաթև Ֆռանգյան
