18.11.2024 | 17:39
ՀՀ նախագահի հրամանագրերով դատավորներ են նշանակվել
Ավելի քան 2000 փախստական է ամեն օր Հայաստանից վերադառնում ԼՂ․ ՌԴ ՊՆ ներկայացուցիչ
Քաղաքականություն
26.11.2020 | 17:41
Ավելի քան 2000 փախստական է ամեն օր Հայաստանից վերադառնում Լեռնային Ղարաբաղ։ Այս մասին լրագրողներին ասել է ՌԴ Պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը, փոխանցում է ՏԱՍՍ-ը։
«Ամեն օր ռուս խաղաղապահների միջնորդությամբ Լեռնային Ղարաբաղի ավելի քան 2000 բնակիչ, որոնք ավելի վաղ լքել էին իրենց տները ռազմական գործողությունների պատճառով, վերադառնում են իրենց մշտական բնակության վայրեր»,- նշել է Կոնաշենկովը։
Նրա խոսքով՝ նոյեմբերի 14-ից ռուս խաղաղապահների միջնորդությամբ նախկին բնակության վայրեր է վերադարձել Լեռնային Ղարաբաղի ավելի քան 17 հազար բնակիչ։
Նշվում է, որ ռուս խաղաղապահներն օգնություն են ցուցաբերում նաև խաղաղ կյանքի վերականգնման հարցում, այդ թվում՝ մարդասիրական օգնություն։ Խաղաղապահ օպերացիայի մասնակիցներն օգնել են վերականգնել Ստեփանակերտում քաղաքացիական ենթակառուցվածքները, ջերմամատակարարումը և գազամատակարարումը։
Տաթև Ֆռանգյան
