27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
ԱՄՆ ռազմանավի պատճառով Երրորդ համաշխարհային պատերազմի վտանգ է առաջացել․ Daily Express
Քաղաքականություն
25.11.2020 | 18:39
Ռուսաստանի ափերի մոտ ամերիկյան ռազմանավերի գործողությունները սպառնում են վտանգավոր հետևանքներով՝ ընդհուպ մինչև համաշխարհային պատերազմի։ Այս մասին գրում է Daily Express-ի լրագրող Փոլ Ուիթերսը։
Հոդվածի հեղինակը նշել է, որ վերջին օրերի ընթացքում ԱՄՆ ռազմածովային ուժերի մասնակցությամբ երկու նշանակալի միջադեպ է գրանցվել։
Այսպես՝ նոյեմբերի 23-ին Սև ծովի ջրային տարածք է մտել «Դոնալդ Քուք» ռազմանավը՝ ՆԱՏՕ-ի «Ատլանտյան վճռականություն» օպերացիայի շրջանակում ծովում անվտանգություն ապահովելու նպատակով։ Իսկ նախօրեին «Ջոն Մաքքեյն» ականակիրը խախտել է ՌԴ ջրային սահմանները Պրիմորսկի երկրամասի հարավում՝ Պետրոս Մեծի ծոցում։
«Երրորդ համաշխարհային պատերազմի սպառնալիքը կրկին սրվեց այն բանից հետո, երբ ռուսական ռազմանավը վռնդեց, Մոսկվայի պնդմամբ, Պետրոս Մեծի ծոցում ռուսական սահմանը հատած ամերիկյան ռազմանավը»,- ասվում է հոդվածում:
Երեկ առավոտյան ամերիկյան ռազմանավը 2 կմ խորացել էր ՌԴ տարածքային ջրերում։ «Ջոն Մաքքեյնը» հեռացել է միայն այն բանից հետո, երբ հսկայական «Ադմիրալ Վինոգրադով» նավն օտարերկրացիներին նախազգուշացում է տվել։
Տաթև Ֆռանգյան
