02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ռուս ռազմական բժիշկներ են տեղափոխվել Լեռնային Ղարաբաղ․ ՌԴ ՊՆ
Քաղաքականություն
25.11.2020 | 15:06
Լեռնային Ղարաբաղ են մեկնել ՌԴ Արևելյան ռազմական շրջանի՝ ռազմական բժիշկների տեղափոխող երկու Իլ -76 ռազմական տրանսպորտային օդանավեր։ Այս մասին հայտնել են ՌԴ Պաշտպանության նախարարությունից:
«Առաջին երկու Իլ -76 օդանավերը, որոնք իրականացրել են Արևելյան ռազմական շրջանի հատուկ նշանակության բժշկական ջոկատի տեղափոխումը Լեռնային Ղարաբաղում առաքելության կատարման տարածք, թռել են Խաբարովսկ-Նովի օդանավակայանից»,- նշել է ռազմական գերատեսչությունից:
ՌԴ ՊՆ-ից հայտնել են, որ ընդհանուր առմամբ, 122 զինծառայող, 54 միավոր ավտոմոբիլային և հատուկ տեխնիկա, 66 տոննա նյութական միջոցներ կտեղափոխվի Լեռնային Ղարաբաղ:
Նշվում է, որ ռազմական բուժիշկներն ուղարկվել են՝ ռուս խաղաղապահներին և տեղի բնակչությանը բժշկական օգնություն ցուցաբերելու համար:
«Ջոկատում ընդգրկված են բժիշկներ, միջին և կրտսեր օղակի բուժանձնակազմ, որոնք մշտական պատրաստվածության վիճակում կլինեն՝ որակյալ և մասնագիտացված բժշկական օգնություն ցուցաբերելու համար»,- նշվում է հաղորդագրությունում:
Տաթև Ֆռանգյան
