10.08.2026 | 16:33
Հրդեհ Պռոշյան բնակավայրում․ դեպքի վայր են մեկնել փրկարար ծառայության մարտական հաշվարկներ
Ապշեցնող էր Արցախի քաղաքացիական բնակչության հերոսությունը․ Սեմյոն Պեգովի տպավորությունները. ՏԵՍԱՆՅՈՒԹ
25.11.2020 | 13:33
WarGonzo նախագծի հեղինակ Սեմյոն Պեգովը, որն ակտիվորեն լուսաբանում էր Արցախում վերջին պատերազմը, այսօր Մոսկվա-Երևան տեսակամրջի ժամանակ խոսեց ադրբեջանական թիրախում հայտնված Արցախի քաղաքացիական բնակչության մասին։
«Պատերազմի գրեթե ավարտին նկուղում հանդիպեցի ռուս տարեց կնոջ, նրան «ռուս բաբո» էին անվանում։ Նա մանկատանն է ապրել, նրան որդեգրել և մեծացրել է արցախցի մի ընտանիք։ Մինչև վերջ նա հրաժարվում էր հեռանալ, որքան գիտեմ՝ չի գնացել քաղաքից՝ չնայած տարհանմանը և վերջին ծանր օրերին։ Այդ ռուս կնոջ համար դա ոչ միայն հարազատ հող էր, ասում էր՝ ուր գնամ, երբ թոռներս առաջնագծում են»,- պատմեց նա։
Պեգովի խոսքով՝ իրեն ապշեցրել է քաղաքացիական բնակչության, արցախցի կանանց հերոսությունը։
«Ես արթնացա, նայեցի հյուրանոցի պատուհանից դուրս։ Քաղաքը գնդակոծվում էր, ինչ-որ բան էր պայթում, մենք դա «ադրբեջանական զարթուցիչ» էինք կոչում․․․ Եվ տեսնում եմ՝ 50 տարեկանին մոտ մի կին աշխատանքի է գնում։ Ինչ-որ տեղ ինչ-որ բան էր պայթում, իսկ նա նույնիսկ քայլերի տեմպը չէր փոխում»,- վերհիշում է լրագրողը։
Մանրամասները՝ տեսանյութում։
