18.11.2024 | 19:50
Կմեկնարկի Խաչատրյանի անվան 12-րդ միջազգային փառատոնը
ՌԴ ԱԻՆ-ը լրացուցիչ խումբ է ուղարկել ԼՂ՝ բնակչությանն օգնելու համար
Քաղաքականություն
25.11.2020 | 13:28
ՌԴ ԱԻ նախարարությունը լրացուցիչ խումբ և միջոցներ է ուղարկել Լեռնային Ղարաբաղ՝ բնակչությանն օգնություն ցուցաբերելու համար։ Այս մասին ՏԱՍՍ-ին հայտնել են գերատեսչության մամուլի ծառայությունից։
«Նոյեմբերի 25-ին ՌԴ ԱԻՆ հերթական Իլ-76 օդանավն է ուղևորվել Լեռնային Ղարաբաղ։ Խումբը կազմավորվել է Նոգինսկի և Տուլայի փրկարար կենտրոնների աշխատակիցներից, «Լիդեր» կենտրոնից, կենտրոնական ապարատի մասնագետներից, ինչպես նաև Էներգետիկայի նախարարության մասնագետներից»,- նշել են ՌԴ ԱԻՆ մամուլի ծառայությունում։
Աղբյուրի փոխանցմամբ՝ ՌԴ ԱԻՆ-ը ծրագրում է առաջիկա օրերին ավելացնել Լեռնային Ղարաբաղում անձնակազմի թվաքանակը։
Նշվում է, որ նոյեմբերի 21-ին ՌԴ ԱԻՆ առաջին շարասյունը Ստեփանակերտ է հասցրել 45 տոննա շինանյութ, իսկ նոյեմբերի 24-ին Լեռնային Ղարաբաղ է հասել երկրորդ շարասյունը՝ 300 տոննա մարդասիրական բեռով։
