08.10.2026 | 21:07
Միրզոյանն ու Արաղչին հեռախոսազրույց են ունեցել
«Ջիհադիստների ճակատն» արդեն մեկ քայլ է հեռու ՌԴ սահմանից․ Թուրքիան դա օգտագործելու է․ Սեմյոն Պեգով. ՏԵՍԱՆՅՈՒԹ
Քաղաքականություն
25.11.2020 | 13:09
Բոլորս գիտենք, որ Ադրբեջանը միջանցքի դեր է կատարել՝ Ռուսաստանից՝ Դաղստանից կրոնական ծայրահեղականների տեղափոխման համար։ Մոսկվա-Երևան տեսակամրջի ժամանակ այս մասին ասաց Արցախում վերջին պատերազմն ակտիվորեն լուսաբանած WarGonzo նախագծի հեղինակ Սեմյոն Պեգովը։
«Եթե նախկինում նրանք, պայմանականորեն ասած, «ջիհադի» համար Բաքվից Թուրքիա էին գնում, իսկ հետո՝ Սիրիա, հիմա պարզապես պետք է հատել Ադրբեջանի հետ սահմանը և արդեն քո «սրբազան պատերազմի» դաշտում ես։ Ոչինչ չեմ կարող ասել իսլամի դեմ, բայց այդ մարդիկ քողարկվում են կրոնով, և նրանց շարժառիթները, ավելի ճիշտ՝ նրանց, ովքեր մանիպուլացնում են այդ մարդկանց, բոլորովին այլ են»,- նշեց նա։
Պեգովի խոսքով՝ հիմա այդ «ջիհադիստների ճակատը» մեկ քայլ է հեռու Ռուսաստանի սահմանից։
«Ես հասկանում եմ, որ դա ահռելի սպառնալիք է, և Թուրքիան, կարծում եմ, դա կօգտագործի՝ որպես քաղաքական գործընթացներին մասնակցության ճնշման որոշակի գործոն, այդ թվում՝ Կովկասում»,- ընդգծեց ռազմական լրագրողը։
Մանրամասները՝ տեսանյութում։
