27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
ԱՄՆ «հրթիռային անակնկալը» Ռուսաստանին՝ Ղրիմում․ Forbes
Քաղաքականություն
25.11.2020 | 14:01
Անցյալ շաբաթ ԱՄՆ ցամաքային զորքերը Ռումինիա են տեղափոխել երկու հեռահար HIMARS համազարկային կրակի հրթիռային համակարգեր։ Մի քանի հրթիռ արձակելուց հետո համակարգերը շտապ վերադարձվել են Գերմանիա՝ դրանց տեղակայման վայրեր: Ըստ Forbes-ի՝ այս ամենը «տեղի է ունեցել ընդամենը մի քանի ժամվա ընթացքում»:
«Նման մանևրները մեսիջ են Մոսկվային, որոնք ցույց են տալիս ամերիկյան բանակի կրակային ուժի վերականգնումը: Ռումինիայում HIMARS-ի արձակած կրակոցները Ղրիմում ռուսների համար «հրթիռային անակնկալ» էին»,- նշվում է հրապարակման մեջ:
Նշվում է, որ այսպիսի վերախմբավորումների ահռելի արագությունը բարդացնում է դրանց դեմ պայքարը: Ըստ հոդվածի հեղինակի՝ այս զորավարժությունները կարևոր շրջադարձային պահ են Եվրոպայում ամերիկյան բանակի համար, քանի որ 2006 թվականից ի վեր Հին աշխարհում Պենտագոնը համազարկային կրակի նման զենիթահրթիռային համակարգեր չի ունեցել:
Հավելենք, որ HIMARS-ն անվային շասիով ամերիկյան համազարկային կրակի համակարգ է: Այն ստեղծվել է ԱՄՆ Զինված ուժերին պատկանող 5 տոննա կշռող FMTV անվային շասիի հիմքի վրա և կարող է կրել միանգամից 6 հրթիռ կամ մեկ ATACMS մարտավարական հրթիռ:
Տաթև Ֆռանգյան
