02.08.2026 | 11:37
Երաշխավորո՞ւմ եք, որ Տիգրանաշենը չեք հանձնելու. Իշխան Սաղաթելյանը` Ռուբինյանին․ ՏԵՍԱՆՅՈւԹ
Կանադան պահանջում է անհապաղ ազատ արձակել Բելառուսում ձերբակալված լրագրողներին
Քաղաքականություն
25.11.2020 | 13:15
Կանադան պահանջում է անհապաղ ազատ արձակել Բելառուսում ձերբակալված լրագրողներին։ Այս մասին հայտարարել է երկրի արտգործնախարար Ֆրանսուա-Ֆիլիպ Շամպայնը։
«Բելառուսում Լուկաշենկոյի վարչակազմի կողմից լրագրողների ձերբակալությունը ոտնահարում է մարդու իրավունքների ամենահիմնարար սկզբունքները։ Կանադան պահանջում է անհապաղ ազատ արձակել նրանց ու շարունակել պաշտպանել մամուլի ազատությունը»,- գրել է Շամպայնը Twitter-ի իր միկրոբլոգում։
Նշենք, որ երեկ Բելառուսում գործող 9 հասարակական ու իրավապաշտպան կազմակերպություններ քաղաքական հետապնդում են անվանել քրեական գործերի շրջանակում 3 լրագրողների ձերբակալությունը։ Ձերբակալվածների թվում է, մասնավորապես, tut.by-ի լրագրող Կատերինե Բորիսևիչը, որը ձերբակալվել է նոյեմբերի 19-ին զոհված ընդդիմադիր ակտիվիստ Ռոման Բոնդարենկոյի բժշկական գաղտնիքը հրապարակելու համար։
Տաթև Ֆռանգյան
