02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Մոսկվայի մարզում ահաբեկչություն է կանխվել․ ՏԱՍՍ
Քաղաքականություն
25.11.2020 | 11:22
ՌԴ Անվտանգության դաշնային ծառայությունը (ԱԴԾ) կանխել է Ռուսաստանում արգելված «Իսլամական պետություն» (ԻՊ) ահաբեկչական կազմակերպության խմբավորման գործունեությունը, որի անդամները ահաբեկչական գործողություններ էին ծրագրել Մոսկվայի մարզում: Այս մասին ՏԱՍՍ-ին հայտնել են Ռուսաստանի Դաշնության ԱԴԾ հասարակայնության հետ կապերի կենտրոնից:
«Անվտանգության դաշնային ծառայությունը կանխել է Ռուսաստանում արգելված «Իսլամական պետություն» միջազգային ահաբեկչական խմբավորման գործունեությունը, որի անդամները մտադրվել էին դիվերսիոն և ահաբեկչական գործողություններ կատարել Մոսկվայի շրջանում», – նշել է գործակալության զրուցակիցը:
Հարուցված քրեական գործի շրջանակներում Վլադիմիրի մարզում հայտնաբերվել և բերման է ենթարկվել խմբավորման անդամը, որը Կենտրոնական Ասիայի երկրներից մեկի քաղաքացի է:
«Արմատական իսլամիստների գտնվելու վայրերում քննչական գործողությունների ընթացքում հայտնաբերվել և առգրավվել են ինքնաշեն պայթուցիկ սարք, այլ իրեր և փաստաթղթեր», – ասել են ԱԴԾ-ից:
Նշվում է, որ ներկայումս քննչական գործողությունները և օպերատիվ հետախուզական միջոցառումները շարունակվում են:
