16.06.2026 | 00:58
ԱԱ-2026․ Բելգիան խուսափեց պարտությունից Եգիպտոսի դեմ խաղում․ ՏԵՍԱՆՅՈՒԹ
Իսրայելը հարվածներ է հասցրել Դամասկոսի արվարձաններին
Քաղաքականություն
25.11.2020 | 10:41
Իսրայելը Գոլանի բարձունքից հարվածներ է հասցրել Դամասկոսի հարավային արվարձաններին։ Այս մասին ասված է սիրիական բանակի հայտարարության մեջ, փոխանցում է ՌԻԱ Նովոստին:
Ըստ սիրիական «Ալ-Վաթան» թերթի, թիրախը եղել է Էլ-Կունեյտրայից հարավ գտնվող Մանէե բլուրը: Դամասկոսը հայտնել է, որ գրոհների մի մասը հետ է մղվել, բայց ռմբակոծությունները նյութական վնաս են հասցրել:
Հավելենք, որ Սիրիայի և Իսրայելի միջև դիվանագիտական հարաբերություններ չկան. երկու պետությունների ստեղծումից ի վեր նրանք գտնվում են պատերազմական իրավիճակում: Մասնավորապես, երկարատև տարածքային հակասություն կա Գոլանի բարձունքի կարգավիճակի շուրջ:
Իսրայելը պարբերաբար բազմաթիվ հարվածներ է հասցնում Սիրիայում գտնվող թիրախներին ՝ իր գործողությունները բացատրելով ժամանակակից զենքերը թշնամու ձեռքում հայտնվելը կանխելու ցանկությամբ: Առաջին հերթին խոսքը լիբանանյան «Հըզբոլլահ» շարժման մասին է, որը տարածաշրջանում կռվում է Բաշար ալ-Ասադի կողմից և որը վերահսկվում է Թեհրանի կողմից:
Տաթև Ֆռանգյան
