10.06.2026 | 10:30
Արգենտինայի հավաքականը հաղթել է խոշոր հաշվով, Մեսին վերադարձը նշել է գոլով․ ՏԵՍԱՆՅՈՒԹ
ԼՂ հակամարտության գոտուց դուրս են բերվում մարմիններ, փոխանակվում են կողմերի հետ. ԿԽՄԿ ներկայացուցիչ
Քաղաքականություն
24.11.2020 | 16:24
Կարմիր Խաչի միջազգային կոմիտեի հայաստանյան գրասենյակն աջակցում է Լեռնային Ղարաբաղի հակամարտության կողմերին որոնողական աշխատանքների հետ կապված՝ սկսած նոյեմբերի 13-ից: Այս մասին Factor.am-ի հետ զրույցում հայտնեց ԿԽՄԿ Հայաստանյան գրասենյակի հաղորդակցման ծրագրերի ղեկավար Զառա Ամատունին:
«Որոնողական աշխատանքների արդյունքում դուրս են բերվում մարմիններ, փոխանակվում են կողմերի հետ, մարմիններն ուղարկվում են պաշտպանության նախարարի կողմից կազմակերպված պրոցեսով նույնականացման, և հետո տեղեկացվում է ընտանիքներին»,- նշեց ԿԽՄԿ ներկայացուցիչը:
Մինչ այժմ քանի՞ մարմին է դուրս բերվել Լեռնային Ղարաբաղի հակամարտության գոտու տարածքից հարցին ի պատասխան՝ Զառա Ամատունին նշեց, որ այդ մասին տեղեկություն չի կարող հաղորդել:
Ինչ վերաբերում է գերիների հետ կապված հարցերին, Ամատունու խոսքով՝ դրանով զբաղվում է Պաշտպանության նախարարությունը:
«Մենք աջակից կողմ ենք, մասնակցում ենք գործողություններին, սակայն անմիջապես որոնողական աշխատանքների և կապի հարցերը իրականացնում է Պաշտպանության նախարարությունը»,- նշեց նա։
Անժելա Պողոսյան
