17.09.2026 | 18:26
Եվրոպան և Կանադան «ուժեղ են, իսկ միասին՝ է՛լ ավելի ուժեղ»․ Քարնին ողջունել է ԵՄ ասոցացված անդամ դառնալու գաղափարը
Պուտինը՝ ԼՂ կարգավորման հարցում Մոսկվայի ջանքերի մասին․ ՌԻԱ Նովոստի
Քաղաքականություն
24.11.2020 | 16:09
Ռուսաստանի Դաշնություն նախագահ Վլադիմիր Պուտինը հայտարարել է, որ Ռուսաստանը քիչ ջանքեր չի ներդնում՝ Լեռնային Ղարաբաղում իրավիճակի կայունացմանը նպաստելու համար, գրում է ՌԻԱ Նովոստին:
«Մենք եռանդուն ջանքեր ենք ձեռնարկել՝ Լեռնային Ղարաբաղում ռազմական գործողությունների դադարեցման համար, որոնք հազարավոր զոհերի էին հանգեցնում մեզ համար բարեկամ Ադրբեջանում ու Հայաստանում։ Ընդ որում, մենք հետևել ենք ԵԱՀԿ Մինսկի խմբի շրջանակում ձեռք բերված գխավոր պայմանավորվածություններին։ Ռուսաստանի, Ադրբեջանի նախագահների ու Հայաստանի վարչապետի միջև ձեռք բերված եռակողմ հայտարարությամբ գլխավորը, ինչին հաջողվել է հասնել, դա արյունահեղության դադարեցումն է»,- հայտարարել է Պուտինը օտարերկրյա դեսպանների կողմից հավատարմագրերի հանձնման արարողության ժամանակ։
Պուտինը նաև հայտարարել է, որ իրավիճակը ԼՂ-ում կայուն է։
«Վերոհիշյալ հայտարարության համաձայն՝ այժմ տարածաշրջան ուղարկված Ռուսաստանի խաղաղապահ զորակազմը վերահսկում է հրադադարի ռեժիմի պահպանումը, ապահովում է խաղաղ բնակիչների, քաղաքացիական անձանց անվտանգությունը, ուղեկցում է հումանիտար բեռներն ու հետ վերադարձող փախստականներին։ Իրավիճակն ընդհանուր առմամբ կայունացել է », -հայտարարել է Պուտինը։
Տաթև Ֆռանգյան
