02.11.2026 | 20:30
Ո՞վ է պատասխանատու Սահմանադրության նոր տեքստի համար․ բարեփոխումների խորհուրդը՝ խաղից դուրս վիճակում․ ՏԵՍԱՆՅՈՒԹ
ՀՀ-ում ԱՄՆ դեսպանն ու ԵՄ պատվիրակության ղեկավարը հանդիպել են Կոռուպցիայի կանխարգելման հանձնաժողովի անդամներին
Քաղաքականություն
24.11.2020 | 15:34
ՀՀ-ում ԱՄՆ դեսպան Լին Թրեյսին և ԵՄ պատվիրակության ղեկավար Անդրեա Վիկտորինը հանդիպել են Կոռուպցիայի կանխարգելման հանձնաժողովի անդամներին։ Այս մասին տեղեկացնում է Հայաստանում ԱՄՆ դեսպանատան մամուլի ծառայությունը։
«Անցած շաբաթ դեսպան Լ․ Թրեյսին և ԵՄ պատվիրակության ղեկավար Ա․ Վիկտորինը հանդիպեցին ՀՀ Կոռուպցիայի կանխարգելման հանձնաժողովի անդամներին՝ փաստելու Միացյալ Նահանգների եւ Եվրամիության հանձնառությունը հակակոռուպցիոն բարեփոխումներում Հայաստանին աջակցելու հարցում։ Քննարկման թիրախում Հայաստանի ժողովրդավարական և հակակոռուպցիոն առաջնահերթ բարեփոխումների համատեղ ձեռքբերումներն էին ու հետագա համագործակցությունը։
Ուզում ենք գոհունակությամբ հիշատակել, որ ԱՄՆ Միջազգային զարգացման գործակալության հայաստանյան գրասենյակը հիմնադրման պահից սկսած աջակցում է Կոռուպցիայի կանխարգելման հանձնաժողովին անկախ վերահսկողության անցկացման եւ կոռուպցիայի կանխարգելման հարցերում, ինչն առանցքային է Հայաստանի ժողովրդավարական և տնտեսական զարգացման համար»,- ասվում է հաղորդագրությունում։
