09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ՌԴ ու Իրանի ԱԳ նախարարները քննարկել են ԼՂ-ում տիրող իրավիճակը․ ՌԴ ԱԳՆ
Քաղաքականություն
24.11.2020 | 16:02
ՌԴ արտգործնախարար Սերգեյ Լավրովն ու Իրանի ԱԳՆ ղեկավար Մոհամմադ Ջավադ Զարիֆն այսօր կայացած հեռախոսազրույցի ժամանակ քննարկել են Լեռնային Ղարաբաղում տիրող իրավիճակը։
«Քննարկվել է Լեռնային Ղարաբաղում ընթացիկ իրավիճակը՝ հաշվի առնելով հակամարտության գոտում լիակատար հրադադար հաստատելու ուղղությամբ ռուսական կողմի ջանքերը, ինչպես նաև ռազմական գործողություններից տուժած խաղաղ բնակչությանը մարդասիրական օգնություն տրամադրելու անհրաժեշտությունը»,- ասվում է ՌԴ ԱԳՆ տարածած հաղորդագրությունում։
Նշվում է, որ ԱԳ նախարարներն իրենց հավատարմությունն են հայտնել իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) բոլոր կողմերի՝ իրենց պարտավորությունները կատարելուն շուտափույթ վերադարձին։
«Առանձնահատուկ ուշադրություն է դարձվել միջազգային հարթակներում այլ հարցերով Իրանի ու Ռուսաստանի փոխգործակցությանը, այդ թվում նաև իրանական միջուկային ծրագրի շուրջ ԳՀՀԾ խնդիրը։ Ընդգծվել է Մոսկվայի ու Թեհրանի հավատարմությունը ԳՀՀԾ բոլոր մասնակիցների՝ իրենց պարտավորությունները լիակատար կատարմանը շուտափույթ վերադարձին, որոնք ամրագրված են ՄԱԿ-ի ԱԽ 2231 բանաձևով»,- ասված է հայտարարության մեջ։
Տաթև Ֆռանգյան
