02.08.2026 | 14:59
Դավիթ Առաքելյանն ազատվել է ԱԺ աշխատակազմի ղեկավարի պաշտոնից
Փարիզում բախումներ են գրանցվել ոստիկանների ու ներգաղթյալների միջև․ BBC
Քաղաքականություն
24.11.2020 | 14:37
Ֆրանսիայի ոստիկանությունը մեկ գիշերվա ընթացքում ապամոնտաժել է Փարիզի սրտում տեղակայված ներգաղթյալների ժամանակավոր ճամբարը, ինչի հետևանքով բախումներ են գրանցվել ներգաղթյալների, ակտիվիստների և ոստիկանների միջև, հայտնում է BBC-ն:
Ֆրանսիայի ՆԳ նախարար Ժերալդ Դարմանինը հայտարարել է, որ որոշ տեսարաններ «ցնցող» են, և ոստիկանությանը հանձնարարել է ամբողջական հաղորդում ներկայացնել իրենց գործողությունների մասին:
Տասնյակ ժամանակավոր վրաններ են ապամոնտաժվել La République հրապարակից, որոնք ցուցարարները տեղակայել էին այնտեղ ի նշան բողոքի՝ ի ցույց դնելով իրենց աղետալի վիճակն այն բանից հետո, երբ երկրի իշխանություններն ապամոնտաժել են Սեն Դենիում իրենց վրանային ճամբարը, որտեղ շուրջ 4․000 մարդ է ապրել։ Անօթևան մնացած ներգաղթյալները հայտարարում են, որ ստիպված են ապրել փողոցում:
Ակտիվիստները միացել են ներգաղթյաներին՝ վանկարկելով «Փաստաթղթեր բոլորին», «Կացարաններ բոլորին», երբ ոստիկանությունը մոտեցել է ներգաղթյալներին։ Ավելի ուշ իրավապահներն արցունքաբեր գազ են կիրառել և մահակներով ծեծի ենթարկել մարդկանց:
Տաթև Ֆռանգյան
