12.01.2025 | 13:35
Ոչ պարտադրվածն է խաղաղություն, ոչ մուրացածը․ Փաշինյան
Ռուսաստանի ու Թուրքիայի միջև ԼՂ-ի հարցով տարաձայնություններ կան․ Reuters
Քաղաքականություն
24.11.2020 | 13:40
Թուրքիայի ու Ռուսաստանի միջև տարաձայնություններ են առաջացել Լեռնային Ղարաբաղում խաղաղապահների տեղակայման հարցով, քանի որ Թուրքիան ցանկանում է անկախ ռազմական դիտակետ տեղակայել Ադրբեջանի տարածքում։ Այս մասին գրում է Reuters-ը՝ վկայակոչելով թուրքական իր աղբյուրին։
Ռուսաստանն ու Թուրքիան արդեն պայմանավորվել են ստեղծել հրադադարի ռեժիմի վերահսկման միասնական կենտրոն։ Ըստ գործակալության՝ ռուս ու թուրք պաշտոնյաները դեռ բանակցում են մոնիթորինգի մեխանիզմները համաձայնեցնելու շուրջ, սակայն Թուրքիան Ադրբեջանի դաշնակիցն է և ցանկանում է իր սեփական դիտակետն ունենալ՝ ուժեղացնելով տարածաշրջանում իր ազդեցությունը, որն առանցքային է համարում իր անվտանգության համար։
«Կարծիքների ամենամեծ տարբերությունը Թուրքիայի դիտարկման կենտրոնի տեղակայումն է Ադրբեջանի տարածքում»,- ասել է թուրքական աղբյուրը՝ անանունության պայմանով։
«Ռուսաստանը կարծում է, որ Թուրքիան կարիք չունի, միասնական կենտրոնից անկախ, տարածաշրջանում դիտակետ տեղակայել։ Սակայն դա Թուրքիայի համար անհրաժեշտությունն է»,- ասել է աղբյուրը։ Նա նաև նշել է, որ Մոսկվայի հետ այդ հարցով բանակցությունները շարունակվում են, և Անկարան ակնկալում է, որ փոխզիջման կհասնի Ռուսաստանի հետ։
Էմմա Չոբանյան
