19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ծառուկյանին մանդատից զրկելու հարցով ՍԴ դիմելու ԱԺ խորհրդի նիստը հետաձգվել է
Քաղաքականություն
24.11.2020 | 11:23
ԲՀԿ ղեկավար Գագիկ Ծառուկյանին պատգամավորական մանդատից զրկելու հարցով Սահմանադրական դատարան դիմելու համար Ազգային ժողովի խորհրդի նիստը հետաձգվել է։ Այն նախատեսված էր նոյեմբերի 24-ին՝ ժամը 11։00-ին, բայց անհայտ պատճառներով նիստը տեղափոխվել է 18։00-ին։ Այս մասին Factor.am-ը տեղեկանում է խորհրդարանի պաշտոնական կայքից:
Հիշեցնենք՝ ԱԺ խորհուրդը այս օրակարգով նիստ հրավիրել էր նաև նոյեմբերի 16-ին, սակայն հարցը չէր քննարկվել Ծառուկյանի բացակայության պատճառով:
Այսօր արդեն ԱԺ կանոնակարգ-սահմանադրական օրենքի համաձայն՝ Ծառուկյանի բացակայության դեպքում էլ խորհուրդը կարող է հարցը քննարկել և ուղարկել ՍԴ։
Հիշեցնենք՝ Ազգային ժողովի խորհուրդը Գագիկ Ծառուկյանի լիազորությունները դադարեցնելու հարցով ցանկանում է դիմել Սահմանադրական դատարան՝ հիմք ընդունելով Սահմանադրության 95-րդ հոդվածը, որն արգելում է պատգամավորին զբաղվել ձեռնարկատիրական գործունեությամբ և պաշտոն ունենալ առևտրային կազմակերպություններում:
Նարեկ Կիրակոսյան
