19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Արծրուն Հովհաննիսյանն Ազգային ժողովում էր
Քաղաքականություն
23.11.2020 | 17:35
Այսօր խորհրդարան էր եկել Պաշտպանության նախարարության նախկին ներկայացուցիչ Արծրուն Հովհաննիսյանը։ Նա Պաշտպանության և անվտանգության հարցերի հանձնաժողովի նախագահ Անդրանիկ Քոչարյանի աշխատասենյակում անցկացրեց մոտ 20 րոպե։ Ապա Հովհաննիսյանը հեռացավ Ազգային ժողովից՝ հրաժարվելով պատասխանել որևէ հարցի։ Factor.am-ի դիտարկմանը, թե բազմաթիվ հարցեր կան՝ Հովհաննիսյանն ասաց. «Գիտեմ, հետո կխոսենք» ու շտապեց հեռանալ։
Նշենք, որ հանձնաժողովն այսօր նիստ չուներ։
Հիշեցնենք, որ ՊՆ-ում կադրային փոփոխություններ են սկսվել։ Նոյեմբերի 20-ին պաշտոնից ազատվեց Պաշտպանության նախարար Դավիթ Տոնոյանը։ Այսօր ՊՆ շենքի դիմաց անհետ կորած զինծառայողների ծնողների հետ հանդիպմանն Անդրանիկ Քոչարյանը հայտնեց, թե պաշտպանության նախարարի տեղակալ Գաբրիել Բալայանն ազատվել է պաշտոնից։ Այս տեղեկությունը, սակայն, ՊՆ-ից դեռ չեն հաստատում։
Մերի Մարտիրոսյան
