25.08.2026 | 16:14
Մի նոր խանի ցուցումով ուզում ենք փոխել մեր հռչակագիրը, մեր ծննդականը. Նարեկ Կարապետյան․ ՏԵՍԱՆՅՈՒԹ
ԱՄՆ-ում կարող են սկսել COVID-19-ի դեմ պատվաստումներն արդեն դեկտեմբերի 11-ին․ Sky news
Քաղաքականություն
23.11.2020 | 16:34
Ամերիկացիները կարող են սկսել COVID-19-ի դեմ պատվաստումներ ստանալ արդեն դեկտեմբերի 11-ից։ Այս մասին հայտնել է ԱՄՆ կառավարության պատվաստանյութերի ծրագրի գլխավոր խորհրդական, դոկտոր Մոնսեֆ Սլաուին, գրում է Sky News-ը։
Տեղեկացվում է, որ առաջատարն ամերիկյան Pfizer և գերմանական BioNTech ընկերությունների կողմից մշակված պատվաստանյութերն են, որոնք 3-րդ փուլի կլինիկական ուսումնասիրությունների ընթացքում ցույց են տվել 95% արդյունավետություն։
Փորձարկումներին մասնակցած անձանց մոտ առողջական լուրջ փոփոխություններ չեն նկատվել։ Պատվաստանյութը փորձարկվել է արդեն իսկ կորոնավիրուսային վարակ ունեցող, ինչպես նաև դեռևս չվարակված մարդկանց վրա:
ԱՄՆ սննդամթերքի և դեղերի վարչության արտաքին խորհրդատուները դեկտեմբերի 10-ին կհանդիպեն `քննարկելու պատվաստանյութի արտակարգ օգտագործման համար թույլտվություն տալու հարցը: Լրատվականը նշում է, որ սա կնշանակի, որ պատվաստանյութը կարող է օգտագործվել նրանց համար, ովքեր առավելագույն ռիսկային խմբում են:
Տաթև Ֆռանգյան
