06.04.2026 | 12:30
«Սանդերլենդի» մարզիչ. Ֆինն Գերագուսյանը բազմակողմանի խաղացող է
Ամարասը դեռևս հայկական վերահսկողության տակ է․ Sky News
Քաղաքականություն
23.11.2020 | 15:39
Ամարասը դեռևս հայկական վերահսկողության տակ է, սակայն գտնվում է Լեռնային Ղարաբաղի հարավ-արևելքում, որտեղ Ադրբեջանը շատ տարածքներ է գրավել: Այն մեկուսացված է և անորոշ, գրում է Sky News-ը, որի լրագրող գտնվում է Լեռնային Ղարաբաղում։
«Փոքրիկի սպիտակ եկեղեցին շրջապատված է հաստ պարիսպներով։ Երբ 19-րդ դարում Արևելյան Հայաստանը գտնվում էր Ռուսաստանի վերահսկողության տակ, Ամարասը սահմանային ամրոց էր: Հիմա կրկին ռազմականացված գոտի է: Ադրբեջանական դիրքերը երեք կիլոմետր հեռավորության վրա են: Ռուսական դրոշը ծածանվում է պարսպի վրա, բայց այստեղ հայկական զորամաս է տեղակայված»,- գրում է Sky news-ը։
Լրատվականի լրագրողը հայտնում է, որ հայ զինվորները խոզի միս են խորովել ու իրեն հրավիրել են ճաշակելու՝ ամրոցի ներսում։
«Զարմանալի է, որ դուք տեսնում եք ինձ սեղանի շուրջ նստած ուտելիս, քանի որ իմ բոլոր ընկերները դեռ խրամատներում են։ Եթե կանգնեք վանքի վերևում ու աջ, ձախ ու ետ նայեք, կտեսնեք, որ խրամատները դեռ լիքն են», – Sky News-ին պատմել է Արտակ Հովհաննիսյանը:
Լրատվականը հիշեցնում է, որ ռուս խաղաղապահների նախնական մանդատը 5 տարի է, բայց այն, ամենայն հավանականությամբ, կերկարաձգվի:
«Չնայած խաղաղապահների ներկայությանը, հակամարտող երկու կողմերն էլ պետք է պահպանեն իրենց խրամատները, քանի որ այս հակամարտությունը կրկին սառեցվում է։ Այսպիսի ռազմական ջանքերն անհրաժեշտ են նոր ստատուս-քվոն պահպանելու համար»,- ասվում է հոդվածում:
Մանրամասները՝ տեսանյութում:
Տաթև Ֆռանգյան
