27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Բոնի արվարձաններից մեկում զինված տղամարդը կրակոցներ է արձակել. DW
Քաղաքականություն
23.11.2020 | 13:14
Ատրճանակով զինված տղամարդը երեկ երեկոյան անկանոն կրակոցներ է արձակել Գերմանիայի նախկին մայրաքաղաք Բոնի մերձակայքում գտնվող Մեքենհայմ քաղաքի փողոցներում։ Դեպքի վայր ժամանած հատուկ ստորաբաժանումների ոստիկանները կրակ են բացել տղամարդու ուղղությամբ, ինչից վերջինս ծանր վիրավորվել ու տեղում մահացել է։ Ոստիկաններից մեկը ձեռքի հատվածում հրազենային վիրավորում է ստացել ու տեղափոխվել է հիվանդանոց, գրում է DW-ի ռուսական ծառայությունը։
Մեքենհայմում շուրջ 27 000 մարդ է բնակվում։ Ինչպես հայտնում է dpa-ը, չարագործի չեզոքացման օպերացիային մասնակցել է ոստիկանության ուժեղացված ստորաբաժանումները։ Բացի այդ, դեպքի վայր են ուղարկվել բժիշկներ ու հոգեբաններ։
«Քանի որ իրավիճակը չափազանց դինամիկ զարգացում է ունեցել, մոտակա տներից բնակիչների տարհանում չի հաջողվել իրականացնել»,- հայտնում են ոստիկանությունից։ Դեռևս անհայտն են կրակոցների հեղինակի ինքնությունն ու դրդապատճառը։
Տաթև Ֆռանգյան
