01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Կալիֆոռնիայի մկրտական եկեղեցում դանակով զինված հարձակում է տեղի ունեցել․ կան զոհեր ու վիրավորներ
Քաղաքականություն
23.11.2020 | 12:51
Երկու մարդ սպանվել է, մի քանիսը ծանր վիրավորվել են ԱՄՆ Սան Խոսե քաղաքի մկրտական (բապտիստական) եկեղեցում դանակահարության հետևանքով, գրում է CBS SF BayArea-ն։
Սան Խոսեի ոստիկանությունը թվիթերում հայտնել է, որ կիրակի երեկոյան 20: 47-ի սահմաններում, ոստիկանները կանչով մեկնել են Սան Խոսեի պետական համալսարանի հարևանությամբ գտնվող մկրտական եկեղեցի:
Ոստիկանությունից տեղեկացնում են , որ վիրավորներից մի քանիսի կյանքին վտանգ է սպառնում։
Սան Խոսեի քաղաքապետ Սամ Լիքարդոն հաստատել է, որ առնվազն 2 մարդ սպանվել է։
Ոստիկանությունից հայտնել են, որ հանցագործին չի հաջողվել ձերբակալել։
Տեղեկացվում է, որ, ամենայն հավանականությամբ, հարձակման զոհ են դարձել անտունները, որոնց թույլատրել են գիշերել եկեղեցում։
Մանրամասները՝ տեսանյութում:
Տաթև Ֆռանգյան
