11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ռուսաստանը միայն միջնորդի դեր է ստանձնել հայտարարության ստորագրման գործում. Պուտին
Քաղաքականություն
22.11.2020 | 18:19
«Ես ստանձնեցի միջնորդի դերը, լսեցի բոլորի պահանջները, փաստացի հավասարաչափ եռակողմ աշխատանք էր: Հենց այդ օրն է գրվել»,- «Մոսկվա.Կրեմլ.Պուտին» հաղորդման ժամանակ ասել է Ռուսաստանի Դաշնությա նախագահ Վլադիմիր Պուտինը՝ խոսելով նոյեմբերի 9-ին ՌԴ–ի Հայաստանի ու Ադրբեջանի կողմից ստորագրված ԼՂ հակամարտության գոտում զինադադարի հայտարարության մասին:
«Հայաստանը հասել էր մի կետի, որ պետք էր որոշում կայացնել: Կռիվ էր ամեն բառի, կետի, կարելի է ասել՝ ստորակետի համար: Ինչ վերաբերում է բուն տեքստին, դա երեքով ենք արել՝ ես, իհարկե, նախագահ Ալիևն ու վարչապետ Փաշինյանը: Այլ կերպ հնարավոր չէր, որովհետև դա, ըստ էության, երկու կողմի միջև պայմանավորվածություն էր, Ռուսաստանը միայն միջնորդի դերը ստանձնեց»,- նշել է ՌԴ առաջնորդը:
«Հայաստանն իրեն մենակ չի զգացել: Վստահեցնում եմ. Ռուսաստանը բազմակողմ և երկկողմ պարտավորությունների շրջանակում, նաև ռազմատեխնիկական գործակցության ոլորտում ամբողջությամբ կատարել է բոլոր պարտավորությունները: Հայաստանն իրեն անտեսված չի զգացել, Ռուսաստանն ամեն ինչ արել է դրա համար»,- ասել է Պուտինը:
