18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
ԵՄ 7 գործընկեր երկրներ միացել են Բելառուսի իշխանությունների դեմ պատժամիջոցներին․ Բորել
Քաղաքականություն
20.11.2020 | 16:01
Եվրամիության 7 գործընկեր երկրներ միացել են Բելառուսի իշխանությունների դեմ պատժամիջոցներին, որոնք կիրառվել են ընտրությունների կեղծման ու մարդու իրավունքների ոտնահարման համար։ Այս մասին ասվում է ԵՄ դիվանագիտության ղեկավար Ժոզեպ Բորելի հայտարարությունում։
«ԵՄ անդամակցությանը թեկնածու պետությունները՝ Հյուսիսային Մակեդոնիայի Հանրապետությունը, Մոնտենեգրոն և Ալբանիան, Եվրոպայի տնտեսական գոտու երկրներ Իսլանդիան, Լիխտենշտեյնն ու Նորվեգիան, ինչպես նաև Ուկրաինան միացել են ԵՄ խորհրդի այդ որոշմանը։ Եվրամիությունն ի նկատի կունենա այս պարտավորությունն ու ողջունում է այն»,-նշվում է հայտարարությունում։
Հավելենք, որ ԵՄ-ն արդեն երկու պատժամիջոց է կիրառել Մինսկի դեմ՝ սև ցուցակում ներառելով երկրի ղեկավարության 55 ներկայացուցչի, այդ թվում՝ նախագահ Ալեքսանդր Լուկաշենկոյին և ուժային կառույցների ներկայացուցիչներին: Նրանց բոլորին արգելվում է մուտք գործել ԵՄ տարածք, եվրոպական բանկերում նրանց հաշիվների հայտնաբերման դեպքում էլ դրանք ենթակա են սառեցման:
Տաթև Ֆռանգյան
