18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Գորշ գայլերը» վտանգ են ներկայացնում Գերմանիայի ներքին անվտանգությանը․ DW
Քաղաքականություն
20.11.2020 | 12:20
«Գորշ գայլերը», ըստ գերմանական Բունդեսթագի պատգամավորների, տարածում են ռասիստական, հակասեմական հայացքներ, թշնամաբար են տրամադրված ժողովրդավարության դեմ և վտանգ են ներկայացնում երկրի ներքին անվտանգության համար, գրում է DW-ի ռուսական ծառայությունը:
Նշվում է, որ հարևան Ֆրանսիայում դա արդեն տեղի է ունեցել, իսկ մոտ ապագայում ծայրահեղական «Գորշ գայլեր» թուրքական կազմակերպությունը կարող է արգելվել նաև Գերմանիայում: Նոյեմբերի 18-ին Բունդեսթագը հաստատել է բանաձևի նախագիծը, որը համատեղ ներկայացվել է Քրիստոնեա-դեմոկրատական կուսակցության, սոցիալ-դեմոկրատների, ազատ դեմոկրատների և «կանաչների» ներկայացուցիչների կողմից:
Այս փաստաթղթում խորհրդարանականները դաշնային կառավարությանը կոչ են անում ստուգել «Գորշ գայլերի» հետ կապված մի շարք կազմակերպությունների արգելման հնարավորությունը: Այդ կազմակերպությունները, Բունդեսթագի բանաձևի համաձայն, տարածում են ռասիստական, հակասեմական հայացքներ, թշնամաբար են տրամադրված ժողովրդավարության դեմ և վտանգ են ներկայացնում երկրի ներքին անվտանգության համար:
«Գորշ գայլերը» դավանում են «ուլտրանացիոնալիստական մարդատյաց գաղափարախոսություն», որը սպառնում է Գերմանիայում ազատ ժողովրդավարական կարգին, DW-ի հետ զրոյցում հայտարարել է Բունդեսթագի ներքին քաղաքականության հանձնաժողովի անդամ Քրիստոֆ դե Վրիսը, ով նախագծի նախաձեռնողներից մեկն է:
«Մեր երկրում տեղ չկա ֆաշիստական և ռասիստական գաղափարախոսությունների համար, որոնք նսեմացնում են այլ կրոնական և էթնիկական խմբերի արժանապատվությունը», – ասել է նա:
Տաթև Ֆռանգյան
