15.03.2026 | 21:36
Իրանում ձերբակալել են ավելի քան 30 մարդու՝ Իսրայելին տեղեկատվություն փոխանցելու կասկածանքով
Ըստ տեղեկությունների՝ Նիկոլ Փաշինյանի կաբինետի կազմը 80 տոկոսով կփոխվի. խոսնակն ասում է՝ քննարկումներն ընթացքի մեջ են
Քաղաքականություն
18.11.2020 | 16:14
Factor.am-ի տեղեկություններով՝ իշխող «Քաղաքացիական պայմանագիր» կուսակցության վարչությունում քննարկվում է կառավարության կազմի փոփոխության հարցը։
Մեր աղբյուրների փոխանցմամբ՝ նախատեսվում է պաշտոնանկ անել գործող կառավարության 80 տոկոսին։ Պաշտոնանկությունների անհրաժեշտությունն առաջացել է Արցախի պատերազմում արձանագրված արդյունքների և հետևած զարգացումների արդյունքում։
Այսօր կառավարության կազմում փոփոխություններ անելու մասին հայտնել էր նաև վարչապետ Նիկոլ Փաշինյանը՝ վեց ամսվա ճանապարհային քարտեզը ներկայացնելիս։ Տեղեկություններ կան, որ քննարկվում է ՊՆ Դավիթ Տոնոյանին, ԿԳՄՍ նախարար Արայիկ Հարությունյանին, առողջապահության նախարար Արսեն Թորոսյանին, Աշխատանքի և սոցիալական հարցերի նախարար Զարուհի Բաթոյանին պաշտոնանկ անելու հարցը։
Վարչապետի մամուլի խոսնակ Մանե Գևորգյանը Factor.am-ին ասաց, որ քննարկումները շարունակվում են, դեռ վերջնական որոշում չկա, թե ովքեր են պաշտոնանկ արվելու։ Խոսնակը ասաց, որ Ֆելիքս Ցոլակյանից զատ նախարարներից դեռ ազատման դիմումներ չեն ներկայացվել։
Նարեկ Կիրակոսյան
