17.09.2026 | 18:26
Եվրոպան և Կանադան «ուժեղ են, իսկ միասին՝ է՛լ ավելի ուժեղ»․ Քարնին ողջունել է ԵՄ ասոցացված անդամ դառնալու գաղափարը
Հրթիռակոծության է ենթարկվել Բաղդադի «կանաչ գոտին». զոհ ու վիրավորներ կան
Քաղաքականություն
18.11.2020 | 13:37
Բաղդադի, այսպես կոչված, «կանաչ գոտին»՝ պետական հաստատությունների ու դեսպանատների շրջանը, հրթիռային հարվածների է ենթարկվել։ Իրաքի զինված ուժերի ներկայացուցիչները հայտնել են, որ հրթիռակոծության հետևանքով երեխա է զոհվել, առնվազն 5 վիրավոր կա, հաղորդում է DW-ի ռուսական ծառայությունը։
Dpa գործակալության տեղեկությունների համաձայն՝ 4 հրթիռ է ընկել «կանաչ գոտու» տարածքում, 2-ը՝ դրա սահմաններից դուրս, ևս մեկը պայթել է օդում։ AP գործակալությունն էլ, վկայակոչելով Իրանի անվտանգության ուժերի երկու ներկայացուցչի, պարզաբանել է, որ հարվածներից մեկը հասցվել է Իրաքի ազգային հետախուզության շտաբի մոտակայքում՝ Բաղդադում ԱՄՆ դեսպանատնից 600 մետր հեռավորության վրա։ Մի քանի հրթիռ հաջողվել է խոցել՝ շնորհիվ C-RAM հակաօդային տակտիկական համակարգերի ներգրավման, որոնք ԱՄՆ աջակցությամբ տեղակայվել էին տարեսկզբին։
Իրավապահները փորձում են պարզել, թե ով է կանգնած հրթիռային հարվածների հետևում։
Նկատենք, որ հարվածներ հասցվել են այն բանից հետո, երբ ԱՄՆ պաշտպանության նախարարի պաշտոնակատար Քրիստոֆեր Միլլերը հայտարարել է, որ Վաշինգտոնը 2021 թվականի հունվարի 15-ից Իրաքում իր զորքերի թվաքանակը կկրճատի՝ 3․000-ից հասցնելով 2․500-ի:
Տաթև Ֆռանգյան
