Քաղաքականություն
17.11.2020 | 15:29
Տարօրինակ է լսել ԱՄՆ Պետդեպարտամենտի հայտարարություններն այն մասին, որ անհրաժեշտ է նրանց տեղեկացնել Լեռնային Ղարաբաղի շուրջ համաձայնության մանրամասների մասին։ Այդ մանրամասները հաղորդվել են դիվանագիտական աղբյուրների միջոցով։ Այսօր այս մասին հայտարարել է ՌԴ ԱԳՆ ղեկավար Սերգեյ Լավրովը, գրում է ՌԻԱ Նովոստին։
Ավելի վաղ Պետդեպարտամենտի բարձրաստիճան պաշտոնյան հայտարարել էր, թե ԱՄՆ-ը և Ֆրանսիան մանրամասներ են ակնկալում ղարաբաղյան հակամարտության շուրջ Թուրքիայի դերակատարության վերաբերյալ։
«Ինձ համար տարօրինակ էր դա լսել։ Անկեղծ ասած, կարծում եմ, որ նման հայտարարությունները կա՛մ արտացոլում են նրանց ոչ բավարար տեղեկացվածությունը, ովքեր նման հայտարարություններ են անում, կա՛մ պարզապես շփոթմունքի արդյունք են»,- ասել է նա լրագրողներին։
Լավրովը վստահեցրել է, որ ամերիկյան կողմը տեղեկացվել է ամեն ինչի մասին պետքարտուղարի տեղակալի մակարդակով՝ հաշվի առնելով այն հանգամանքը, որ պետքարտուղար Մայք Պոմպեոն այժմ գտնվում է երկարատև արտագնա շրջագայության մեջ։
Տաթև Ֆռանգյան
