03.11.2026 | 15:10
Վանդալիզմ՝ Արաբկիրում ազատամարտիկների քանդակի նկատմամբ // Ակցիա՝ Հանրայինի քաղաքականության դեմ. ԼՈՒՐԵՐ
Արտուշ Գաբրիելյանը Աշոտ Մինասյանի գործով ինքնաբացարկ է ներկայացրել
Քաղաքականություն
17.11.2020 | 14:33
Երևանի ընդհանուր իրավասության դատարանը, դատավոր Արտուշ Գաբրիելյանի նախագահությամբ, ինքնաբացարկ է հայտնել Սիսական կամավորական ջոկատի հրամանատար Աշոտ Մինասյանի կալանավորման գործով։ Լուրը Factor.am-ի հետ զրույցում հաստատեց Մինասյանի պաշտպան Միհրան Պողոսյանը:
Որն է եղել ինքնաբացարկի հիմքը՝ հայտնի չէ։ Պաշտպանն ասաց՝ որոշումը դեռ չեն ստացել:
Աշոտ Մինասյանը, հիշեցնենք, մեղադրվում է իշխանության յուրացում և պետական գործչի սպանություն նախապատրաստելու, ինչպես նաև ապօրինի զենք-զինամթերք ձեռք բերելու, պահելու համար։ Ազգային անվտանգության ծառայությունը նրան կալանավորելու միջնորդություն էր ներկայացրել, որը մակագրվել էր դատավոր Արտուշ Գաբրիելյանին։
Թե ում կմակագրվի գործը հիմա, այս պահին դեռ հայտնի չէ:
