27.04.2026 | 16:30
Ռազմական ծախսերը կտրուկ աճել են Եվրոպայում ու Ասիայում՝ հասնելով 16 տարվա ընթացքում չտեսնված մակարդակի. SIPRI
Միխեիլ Սաակաշվիլի. Մենք պետք է երկխոսություն վարենք Ռուսաստանի հետ շատ հարցերի շուրջ
Քաղաքականություն
16.11.2020 | 22:50
«Մենք պետք է երկխոսություն վարենք Ռուսաստանի հետ շատ հարցերի շուրջ, ներառյալ առևտուրը, մարդկանց երթևեկության հարցերը, շատ մարդասիրական խնդիրներ, քանի որ բոլոր դեպքերում մեզ պետք են հարաբերություններ հարևանների հետ», – այս մասին հայտարարել է Վրաստանի նախկին նախագահ Միխեիլ Սաակաշվիլին. գրում է 1tv.ge-ն:
«Ադրբեջանցիներին ասում են, որ փախստականներ բերելը դեռ վաղ է, Ադրբեջանի վերցրած վարչական շենքերի մեծ մասում ծածանվել են ռուսական դրոշներ: Իհարկե, Ադրբեջանն արդեն բացահայտորեն արտահայտում է իր դժգոհությունը, ինչը միանգամայն հասկանալի է, քանի որ նրանք արջ են թողել տուն, իր տարածքում օրինականացրել են ռուսական ռազմաբազան: Այս պայմաններում, ՓոմՓեոյի հետ տարբեր ընդդիմադիր կուսակցությունների կողմից քննարկվող հիմնական հարցերից մեկը (քանի որ դա կոալիցիոն կառավարություն է) այն է, որ Վրաստանը տարածաշրջանում միակ երկիրն է, որտեղ պաշտոնապես չկա ռուսական զորք:
Բռնազավթված մասը ոչ ոք չի ճանաչում և նրանք անօրինական են ներխուժել են, իրականում: Ամերիկան Թուրքիայում խնդիրներ ունի, ռազմական ավիաբազայի հետ կապված, մենք կարող ենք առաջարկել Սենակին, Վազիանիին, որտեղ կստեղծվի մշտական ամերիկյան բազա: Դա չի նշանակում, որ մենք չպետք է երկխոսենք Ռուսաստանի հետ: Մենք պետք է երկխոսություն վարենք Ռուսաստանի հետ շատ հարցերի շուրջ, այդ թվում, առևտրի, մարդկանց երթևեկության, մարդասիրական հարցերի: Մեզ պետք են հարաբերություններ և երկխոսություն բոլոր հարևանների հետ, բայց ԱՄՆ-ի ներկայությունը մեր տարածաշրջանում հիմնարար խնդիր է Վրաստանի անվտանգության համար», – հայտարարել է Սաակաշվիլին:
