19.01.2026 | 18:11
Աբովյան համայնքին կվերադարձվի զբոսայգու տարածք հանդիսացած՝ 1700 քմ մակերեսով հողամաս․ Դատախազություն
Բելառուսում բողոքի ցույցերի 1․000-ից ավելի մասնակից է ձերբակալվել
Քաղաքականություն
16.11.2020 | 15:00
Բելառուսական «Գարուն» իրավապաշտպան կենտրոնը հրապարակել է կիրակի Բելառուսում գրանցված բողոքի ցույցերի ժամանակ ձերբակալվածների ցուցակը։ Այդ տվյալների համաձայն՝ ցուցակում ավելի քան 1․000 մարդ կա։
«Կիրակի՝ նոյեմբերի 15-ին, Բելառուսում տեղի են ունեցել բողոքի ակցիաներ։ Ձերբակալությունները սկսվել են Մինսկում, Պուշկինի ու Պրիտիցկի շրջաններում, որտեղ հավաքվել են խաղաղ ցուցարարներ։ Ձերբակալություններ են եղել նաև Նովոգրուդկոյում, Բոբրույսկում, Վիտեբսկում, Գոմելում ու Սվետլոգորսկում»,- ասվում է կենտրոնի կայքում հրապարակված հաղորդագրության մեջ։
Կեսգիշերն անց՝ ժամը 0:17-ի դրությամբ, ձերբակալվածների ցուցակում կա 1․048 մարդ։ Նրանց մեծ մասը ձերբակալվել է Մինսկում, ձերբակալություններ են եղել նաև Բրեստում, Բոբրույսկում, Վիտեբսկում և այլ քաղաքներում։
Կիրակի Բելառուսում բողոքի ակցիաներ են անցկացվել՝ ի հիշատակ Մինսկի 31-ամյա բնակիչ Ռոման Բոնդարենկոյի, որը մահացել էր նոյեմբերի 12-ին, գրում է ՏԱՍՍ-ը: Բողոքի ցույցի էպիկենտրոնը դարձել է Մինսկի, այսպես կոչված, «Փոփոխությունների հրապարակը»: Հենց այստեղ է նոյեմբերի 11-ի երեկոյան միջադեպ տեղի ունեցել, որի մասնակիցն է եղել մահացած Բոնդարենկոն: Դիմակներով անհայտ անձինք ծեծի էին ենթարկել նրան, այնուհետև տեղափոխել ոստիկանության բաժանմունք, իսկ այնտեղից՝ հիվանդանոց, որտեղ էլ վերջինը մահացել է։
Տաթև Ֆռանգյան
