14.12.2024 | 18:16
ՆԳ նախարարը Ոստիկանության անձնակազմի հետ օպերատիվ խորհրդակցություն է անցկացրել
Երկրի վարչապետը քաղաքացիական պատերազմի կո՞չ է անում. Փաշինյանն իր գրառմանն արձագանքները որակեց մանիպուլյացիա. ՏԵՍԱՆՅՈՒԹ
16.11.2020 | 10:55
ՀՀ վարչապետ Նիկոլ Փաշինյանը բացարձակապես անտեղի է համարում նոյեմբերի 15-ի երեկոյան «Ֆեյսբուք»-ի իր էջում արված գրառման հետ կապված շահարկումները: Այս մասին Փաշինյանն ասաց նոյեմբերի 16-ին կայացած առցանց ասուլիսի ընթացքում:
«Այս իրավիճակում երեկվա իմ գրառման հետ կապված շահարկումները համարում եմ բացարձակապես անտեղի: Ես համարում եմ, որ զորացրվող, առաջնագծից վերադարձող զինվորները նույնպես կարծիք ունենալու իրավունք ունեն, և ես չեմ համարում, որ, եթե նրանք ցանկանում են ինձ հետ հանդիպել, դրա մեջ դատապարտելի որևէ բան կա: Նրանք են ճշմարտություն կրողը իրադարձությունների մասին, եթե պարզվի, որ դավադրություն է եղել, թող բացահայտվի, մեղավորներն էլ պատժվեն»,- ասաց վարչապետը:
«Երկրի վարչապետը քաղաքացիական պատերազմի կո՞չ է անում»,- ասաց Փաշինյանը՝ իր գրառմանն արձագանքները որակելով մանիպուլյացիա:
Նիկոլ Փաշինյանն ընգծեց, որ երկրի ղեկավարը չի կարող քաղաքացիական բախումների և քաղաքացիական պատերազմի կոչ անել, իսկ իրավապահ մարմիններն ունեն այդ բախումները կանխելու բոլոր հնարավորությունները:
